[东方报]英超：實力超班副選都夠殺 紅軍半大修錢[09-23]

恋旧笨人

開季氣勢如虹嘅利物浦，周三凌晨英聯盃第3圈喺主場迎戰英冠球隊修咸頓，兩軍實力差距巨大，「紅軍」兩大球星域斯、阿歷山大伊沙克力爭「開齋」，勢必火力全開。不過利物浦防線大執位，修咸頓有望趁機入波，博1.5球半場大更佳。（無綫myTV SUPER周三凌晨3時直播）

利物浦開季即刻撻着，喺英超同歐聯豪取6連勝，但係球隊近期惡戰連場下，領隊施洛賽前已宣布，穆罕默德沙拿、華基爾雲迪積克、伊巴希馬干拿迪、蘇保斯拉爾同賴恩格雲貝治5大主力，今場都會休息，兩名中堅同防中同時缺陣，對「紅軍」本已不穩嘅防線會係大考驗。

不過利物浦勝在火力得人驚，前鋒線人才鼎盛，域斯同伊沙克兩位身價過1億鎊嘅球星，加盟後仍未拎到入波，今場對住英冠對手，絕對係「開齋」良機，加上天才新星安古莫夏同樣要把握機會數胡，今場肯定會搏盡爭取表現，「紅軍」唔憂冇波入。

修咸頓鬥攻博偷雞
修咸頓今季降落英冠後，表現令人失望，6場聯賽只係贏過1場，少帥韋爾嘅進攻風格成效麻麻，今場盃賽會喺上半場嘗試「偷雞」。翻查利物浦近8次同修咸頓對賽，有6次半場開2球或以上，今場一於再追1.5球半場大。