[东方报]熱身賽：維拉有前冇後喪攻娛賓[08-06]

趴着数蚂蚁

阿士東維拉結束美國集訓後，返英國繼續安排熱身賽，將於維拉女足主場鬥羅馬。維拉上季「臨尾香」痛失歐聯資格，打擊唔細，今季重新出發，近期熱身賽經常上演入球騷；羅馬換帥後有新境象，熱身賽3連勝唔怕鬥攻，齊齊娛樂球迷。（周四凌晨2時30分開賽）

維拉上季尾失落歐聯資格，今夏傳出財政不穩，拉舒福特及馬高阿辛斯奧等借將未能留隊，門將達米安馬天尼斯亦有離心，熱身賽所見雖然攻力保持，但防線欠穩，經常同對手合演入球騷，包括1比3不敵羅斯托克、2比2和法蘭克福、2比1贏聖路易城SC同2比2和拿舒維爾，入得又失得。

羅馬艾雲費格遜連場士哥
羅馬老帥雲尼亞里今夏退休，但佢離隊前已為球隊打下極佳根基，今季由阿特蘭大搵嚟加斯柏連尼接手執教，將帥融合進度理想，3場熱身賽全勝，新加盟前鋒艾雲費格遜更連場有「士哥」，今場入波唔會少。