[东方报]西甲：迎戰皇蘇貝迪斯精打細算[09-19]

老介

今晚西甲獨腳戲，貝迪斯主場硬撼皇家蘇斯達。兩軍近況都認真麻麻，貝迪斯更有歐洲賽後顧，今仗隨時有所保留，皇蘇攻力疲弱下被迫主守，寧捧2.5球入球細。（Now 632周六凌晨3時直播）

留力下周中歐霸鬥森林
貝迪斯喺轉會窗關閉前成功留住安東尼馬菲奧斯，不過開季後戰績一般，頭5輪聯賽只得1勝3和1負，例如上場對住弱旅利雲特，竟然先失兩粒，最後追和算係執番身彩。不過貝迪斯板櫈深度唔夠，嚟緊周中要喺歐霸出戰諾定咸森林，主帥「智利工程師」比歷連尼喺人腳上要作出取捨，今仗未必全力出擊。

皇蘇近年畀列強拆骨，實力大跌Watt，上季已淪為中游無緣歐洲賽，但低處未算低，皇蘇今季頭4輪聯賽只得2和2負未贏過，入得4球咁大把，好似上仗對住皇馬，大部分時間打多個情況下，下半場圍攻都只係靠球12碼追番粒，最後輸1比2，攻力疲弱，惟有打守勢波。

睇番雙方近7次聯賽交手，皇蘇錄得2勝3和2負平分秋色，但呢支巴斯克球隊今非昔比，唔多靠得住，而呢7次碰頭，有6次開2球或以下，加上兩軍近況都唔弗，今仗唔慌多波入。