[东方报]熱身賽：阿仙奴半W擊沉黃潛[08-06]

梦游少女

全新鋒線睇頭十足
英超勁旅阿仙奴完成亞洲之旅後，將會重返酋長球場踢熱身賽，迎戰西甲球會維拉利爾。阿仙奴喺亞洲行2勝1負，球員經連場大戰磨練後已經進入狀態，加上近14次喺主場出擊，有9次開半場勝，喺全新鋒線組合蓄勢待發情況下，近期狀態麻麻嘅「黃色潛艇」未必擋得住，捧阿仙奴半場勝穩陣。（周四凌晨1時開賽）

阿仙奴早前亞洲行連贏AC米蘭同紐卡素，雖然上仗0比1輸畀熱刺，不過新加盟瑞典前鋒約基利斯已後備亮相，今仗可望正式擔大旗，加上未有隨隊訪亞嘅馬度基亦可候命，兩位進攻新兵勢必大大提升球隊火力，配合埋布卡約沙卡組成全新鋒線，威力令人期待。

消息指阿仙奴喺約基利斯掛帥後，會改用更直接嘅進攻戰術，喺酋長球場聲勢下有望壓倒性佔優。今場係阿仙奴喺英超開咧前，最後2場熱身衝刺，預料會派出全部精銳，包括之前有輕傷避戰嘅加比爾馬加希斯同卡拉費奧利，大有不勝無歸之勢。

維拉利爾熱身賽冇料到
另邊廂，「黃潛」季前已踢連場熱身賽，但6戰只得4和2負成績，上場對住英超新升班嘅列斯聯都係打和1比1，表現令人失望，阿歷斯巴爾拿離隊對球隊影響頗大，面對頂級球隊難有招架之力。翻查數據，阿仙奴近14次主場出擊，有9次半場已經領先，今仗一於捧阿仙奴半場勝。