[东方报]世冠盃：當拿隆馬一夫當關 PSG細波牽制艦隊[07-09]

桥梁运输及安装

世冠盃4強重量級大戰，巴黎聖日耳門（PSG）惡鬥皇家馬德里，兩大班霸被視為捧盃熱門，今屆晉級過程都好具說服力。今場強強對碰必定穩陣為先，兩隊近幾仗展現出堅固防守，而且都以控球為主，好可能會互相牽制，機會不會太多，博2.5球入球細好路。（周四凌晨3時開賽）

PSG貴為歐聯冠軍，捱完漫長賽季後，進攻銳利度明顯下降，今屆能夠殺入4強，好大程度係靠堅固防線支撐。PSG今屆5場比賽只失過1球，8強對住拜仁慕尼黑亦罕見陷於劣勢，全靠門將基安盧基當拿隆馬同一眾守將力挽狂瀾，最後階段先可以喺逆境中贏波。PSG近4場有3場開2球或以下，明顯守強於攻。

麥巴比病愈未在狀態
皇家馬德里喺新帥沙比阿朗素領軍下，進攻戰術同樣處於適應期，不過防守力就有明顯提升，上場對多蒙特若非喺最後補時階段連失2球，將可以連續3場保持不失。沙比阿朗素嘅戰術重視控球同逼搶，同PSG主帥安歷基風格有異曲同工之妙，好可能會互相克制。

皇馬前鋒基利安麥巴比倒戈係今場焦點，不過呢位法國射手病愈出院後，狀態仍未100%回復，今屆未曾正選上陣，預計仍會先任後備，小將干沙路加西亞狀態雖勇，但要擊破PSG嘅鋼鐵防線有一定難度，決賽只有一步之遙，雙方都有所顧忌，開2.5球入球細機會高。