[东方报]世盃歐洲：波蘭超班地頭歎魚腩[03-21]

冷若寒冰

波蘭喺G組開咧戰主場對立陶宛，雖然兩軍喺近1年嘅國際賽都集中喺歐國聯，而且成績都唔好，但波蘭踢A級聯賽，立陶宛只喺C級聯賽，實力有距離，而且波蘭踢世盃外非常落力，今場有望大勝一場，讓球主勝（-2）值捧。（周六凌晨3時45分開賽）

波蘭喺歐國聯成績麻麻地，情願集中喺大賽及外圍賽。其實波蘭對上兩屆都殺入世盃決賽周，外圍賽成績仲幾靚仔。上屆外圍賽10戰6勝2和2負，前屆外圍賽更10戰8勝1和1負，可見佢哋係「外圍賽之鬼」。

今屆波蘭同組對手只有芬蘭、馬爾他及今仗對手立陶宛，以及西班牙或荷蘭（待歐國聯4強完成後決定），波蘭肯定要喺3支弱旅身上盡量取分，再同唯一一支硬嘢爭榜首直接出線，隨時最尾要計得失球，波蘭主場出擊一定盡數。

立陶宛遇強多大敗
立陶宛喺歐國聯C級聯賽都踢唔掂，6場分組賽輸晒，上屆世盃外分組賽亦只得1勝7負，今場作客波蘭華沙，最大心願都係輸少當贏，波蘭讓球主勝（-2）玩得過。